Stilling Måndalen skule har ledig eit vikariat som lærar i 100% stilling. Stillinga er ledig frå og med 1. august 2022 og til 31. juli 2023
Arbeidsplassen Måndalen skule er ein heilt ny skule med moderne fasilitetar for både læring, leik og utvikling. Måndalen skule er plassert i naturskjønne omgjevnadar der fjord og fjell legg til rette for flotte mogelegheiter i både skulekvardagen og på fritida. Skulen har 87 elevar fordelt på 1. 10. trinn, og eit samla personale på 18 tilsette.
Undervisning hovudsakleg på 5.-10. trinn (avhengig av kompetanse/erfaring).
Kontaktlæraransvar kan bli aktuelt.
Kvalifikasjonar:
Grunnskulelærar 5-10.
Ulike fag er relevant.
God digital kompetanse, samt god skriftleg og munnleg framstillingsevne. Relevant erfaring er ønskjeleg.
Søkjarar med anna pedagogisk utdanning kan bli vurderte for stillinga.
Personlege eigenskapar:
Du har evne til å planleggje, arbeide strukturert og sjølvstendig.
Du evner å skape gode relasjonar til elevar, føresette og kollegaer.
Du jobbar godt i team, og er lojal til felles avgjerder.
Du har stor arbeidskapasitet, evne til å fokusere, og arbeider for eit godt læringsmiljø med fagleg utbytte for alle.
Du har erfaring med bruk av digitale verktøy i undervisninga, og tek i bruk skulens digitale moglegheiter og løysingar for å fremje elevane si læring.
Du tenkjer positivt, har godt humør og likar å jobbe med menneske i alle aldrar.
Du bidreg og stimulerer til utvikling av organisasjonen i sin heilskap.
Du er tydeleg og omgjengeleg i din kommunikasjon, både internt på skolen og eksternt ovanfor våre samarbeidspartnarar.
Tilsetting Tilsetting skjer i høve til gjeldande lovar, reglement og avtaleverk, òg når det gjeld medlemskap i pensjonsordning. Avlønning etter sentral Hovudtariffavtale ut frå kvalifikasjonar og ansiennitet.
Politiattest Den tilsette må leggje fram gyldig politiattest, ikkje eldre enn 3 månader, før tilsettjing. Jfr. Opplæringslova § 10-9 og forskrift § 15.
Merk at opplysningar kan gjerast offentlege sjølv om du har bede om ikkje å bli oppført på offentleg søkjarliste. Du vil då bli varsla, om ønsket om reservasjon ikkje vert teke til følgje.
Velkommen til verdas beste kommune for naturglade menneske! Hos oss kan du både ha ein givande jobb og ei aktiv fritid. Du har kort veg til naturopplevingar uansett kvar du oppheld deg i kommunen. Kommunesenteret Åndalsnes ligg innan 1-2 timars køyretur til Molde og Ålesund lufthamn, og Raumabanen gjer at du kan reise miljøvenleg med tog til Rauma. Kommunen har eit bredt og framoverlent næringsliv og satsar aktivt på turisme og gode opplevingar for alle. Kjende turistmål som Trollstigen, Romsdalseggen, Rampestreken og Romsdalsgondolen finn du her, og vi har eit spanande og variert kulturliv med Rauma kulturhus som motor. Norsk fjellfestival, Trollveggen Triathlon og Rauma Rock er tre av folkefestane som skaper liv og røre. Velkommen til naturgledekommunen Rauma!